Emezelañ da Telenn
Emezelañ a zo un doare da souten raktres Telenn ha harpañ da vrudañ sevenadur Breizh, ar brezhoneg hag ar gallaoueg e bro Sant-Brieg.
Emezelañ a zo ivez rannañ talvoudegezhioù ar c’hevread.
Un hinienn oc’h
Ar re a heul ar c’hentelioù brezhoneg a vez kinniget gant Telenn e kumunioù an tiriad a vez dre-se ezel hiniennel.
Gallout a reer emezelañ dre c’hoant da Telenn a-benn souten ar raktres, bezañ kelaouet eus obererezhioù ar c’hevread ha kemer perzh e kuzulioù ar gevredigezh. 8€ dre vloaz eo priz an emezeladur. An emezeladur a c’haller ober dre bellgargañ ha kas ar furmskrid leuniet hag ar paeamant dre an ti-post. Gallout a reer emezelañ en-linenn dre al lec’hienn Hello Asso.
Ur gevredigezh oc’h
Ur gevredigezh a c’hall emezelañ gant ma vez he fal broudañ ha diorren sevenadur Breizh hervez tachennoù ezteurel disheñvel ha liesseurt. Pep goulenn emezeladur a vez sellet pizh outañ, ha kendivizet gant burev ar gevredigezh.
Oc’h emezelañ, e talc’h ar c’hevredigezhioù da zoujañ ouzh talvoudegezhioù Telenn ha kemer perzh e buhez ar c’hevread ha kuzulioù ar gevredigezh.
Dre o emezeladur, e vez gwir gant ar c’hevredigezhioù da gaout :
– souten da ziorren o obererezhioù (kehentiñ dre al lizher-kelaouiñ miziek ha war ar rouedadoù sokial, skoazell da sevel doserioù yalc’hadoù, …),
– Stummadurioù diabarzh,
– dafar a c’haller implijout (bilig, c’hoarioù hengounel, …),
– Salioù an Ti ar Vro – L’Ôté digoust, ha distaolioù war ar prizioù feurmiñ.
Priz an emezeladur evit ur bloavezh a zo 30€ hag e ouzhpenner 0,50€ dre ezel d’ar gevredigezh.
Pep goulenn emezeladur nevez a vez da gas dre lizher abeget da brezidant Telenn,
Ti ar Vro – L’Ôté, 138 straed al Lege, 22000 Sant-Brieg.
