Forme Tad ha Mamm
Dedpés l’enretournée 2021, Kreizenn Abherve perpôze eune nouvelle forme d’aprenrie du berton ao bada des jiens és garçâilles des ecoles deûlangaijieres ou ben en ensevaije en berton.
Aboutements :
- Doner le tour ao monde qi ne sont pâs ghere de temp a lous laizi d’aqenétr le berton.
- Aïder és jiens a sieudr l’ecolée a lous garçâille
- Aïder a l’aprenrie e l’erdonerie den la famille.
La chemine :
A sour fin de s’en chevi, les ensegnous font de demi en demi des pâssées en vizio (1o de temp la semaine, o eune videyo qe n-i a mayen de mettr a repaisser a son bada) e des raguerouées su pllace (2o de temp le maez).
L’enlistée n’ét pouint fète tout sou en son propr més o la famille, les jiens peuvent sieudr les pâssées de domë ou de demi en demi d’aprés cant q’i sont ao libr ou ben pouint.
L’ensegnement s’apouye su la chemine « Oulpan » aféçonée pour l’ensegnement ao monde-venu, més lésse eune belle ourée és « môts de l’ecole » (parolier du carqhul, gramére, meniere d’ecri, istouere, jeyografie, terlaterie de ters…) e a l’entr-devizée.
Coûtaije : pâssées de berton 155 € l’anée e coûtaije a l’anée pour s’ensouéter a Kreizenn Abherve : 30 €
Limerot de haopouer : 06 03 40 78 44
