Stummadur hir
Kinnig a ra an aozadur stummañ micherel Stumdi e kenlabour gant Telenn
e Ti ar Vro – l’Ôté,
ur stummadur hir 6 miz hag ur stummadur donaat 3 miz.
Ar stummadur « LE BRETON EN 6 MOIS ! » zo ur stummadur micherelaat ha diplomus hag a zo he fal kentañ degas stajidi deraouidi da zeskiñ diazezoù kreñv e brezhoneg.
Stummadur stank 35 eurvezh ar sizhun eo. Kinnig a ra doareoù deskiñ a bep seurt, dre gomz ha dre skrid, asambles gant prantadoù priziañ evit gallout priziañ an araokadennoù ha prientiñ an diplom barregezh war ar yezh (DBY).
Stumdi a ginnig ivez stummadurioù evit ar vrezhonegerien a-benn sikour anezhe da vestroniañ ar barregezhioù yezh ret evit kas obererezhioù e brezhoneg da benn en un doare micherel.
ARC'HANTAOUIÑ HAG ENSKRIVADUR
Savet eo ar stummadurioù-se evit ar glaskerien labour, ar c’hopridi, ar studierien pe an dud prevez c’hoazh.
Evit gouzout penaos e c’hall bezañ kemeret ar c’houst stummañ e karg ha deiziadoù ar prantadoù da zont, kit e darempred gant Stumdi d’ar 02 98 21 39 94.
