Pep bodad a vez bodet ur wezh an amzer gant ar pal kinnig raktresoù hervez tem pe sujed ar bodad-se. Un ezel pe meur a hini eus ar burev a lusk an emvod, hag e-karg e vezont da dreuzkas ar c’hinnigoù d’ar burev ha d’ar c’huzul merañ.

Izili ar c’hevread, an dud a youl-vat hag ar re vennet a c’hall kemer perzh er bodadoù.

• Bodad kehentiñ : labourat a ra ar bodad war ar c’hehentiñ diabarzh ha diavaez, war panellerezh ar savadur, war diorren binviji ha skorioù a-benn talvoudekaat obererezhioù Telenn.

• Bodad Brezhoneg : labourat a ra ar bodad war stad ar yezh e bro Sant-Brieg, an enc’hoarioù da zont, an ezhommoù hag ar spioù war an tiriad, kement hag ar raktresoù da ziorren. Kaoz a vez eus program mizvezh ar brezhoneg.

• Bodad Gallaoueg : war skouer ar bodad Brezhoneg e tres ar bodad Gallaoueg stad an obererezhioù ha darvoudoù a vez e gallaoueg war an tiriad. Labourat a ra war program mizvezh ar gallaoueg ivez.

• Bodad yaouankiz : labourat a ra ar bodad da ziorren raktresoù evit treuzkas danvez sevenadurel Breizh ha liesseurted sevenadurel d’ar re yaouank.

• Bodad sonerezh, dañs ha kan : ar bodad a liamm ar c’hevredigezhioù a ra war-dro ar sonerezh, an dañs hag ar c’han a-benn kas da benn raktresoù boutin d’an holl.