Sonerezh hengounel Breizh

Sonerezh hengounel Breizh zo cheñchet a galz an dekvloaziadoù paseet, dre stummoù disheñvel-tre.

Rannet abaoe pell etre muzik ar gouelioù hag ar muzik relijiel, e kaver ennañ binvioù hengounel kozh evel ar binioù, ar vombard hag an delenn geltiek…

Ar muzik zo merket a-zarn gant an tiriadoù hag ar yezhoù. E fin an XIXvet kantvet, binvioù all a zeu da vezañ hengounel hervez an tiriadoù : ar violoñs, an dreujenn-gaol, ar viel, boest-an-diaoul… ouzhpenn d’ar ganerien hag d’ar c’houpladoù binioù/bombard.

E tiriad ar Pentevr, ar binvioù a vez implijet an aliesañ zo : ar violoñs, boest-an-diaoul hag ar viel.

War ziskar e kentañ hantervezh an XXvet kantvet, e oa entanet an dud gant muzik Breizh en-dro goude an eil brezel bed. Gant labourioù kentañ an dastum met ivez a-drugarez da c’hanedigezh leurenn nevez muzik Breizh e adlak ar muzik hag ar binvioù hengounel war-wel hag e voderna al luskoù hag ar renabl. Kavout a reer arzourien a zeu eus luskoù arzel ha muzikel disheñvel evel Alan Stivell, Denez Prigent, Cécile Corbel, Matmatah, Skolvan…

Hiziv, muzik hengounel Breizh a gemer skouer diwar levezonoù muzikel a bep seurt hag a son war leurennoù ar festoù-noz, sonadegoù pe abadennoù, gant ur produiñ pladennoù e-touez ar re bouezusañ e Bro-c’hall.

Skol sonerezh hengounel Sant-Brieg

Sonerien ha kanerien vreizh (SKV) zo skol muzik hengounel Bro Sant-Brieg.

Ses locaux se situent dans l’enceinte du Conservatoire de Musique, Danse et des Arts Dramatiques de Saint-Brieuc, la Villa Carmélie.

Ar gevredigezh a ginnig dizoloiñ ha deskiñ seniñ binvioù hengounel evel an akordeoñs diatonek, ar binioù bras, ar gitar pe ar pib-ilin da bep oad …

Ar c’hentelioù-se a c’hall bezañ a-stroll pe gant strolladoù bihanoc’h, daou pe dri den gant ar stummer.

Kentelioù kanañ e brezhoneg (kan-ha-diskan) pe e galleg a vez kinniget ivez ur sizhun a bep eil.

Ar gevredigezh a aoz stajoù ha festoù-noz ivez.

Ar bagadoù

Awenet gant strolladoù pipes deus Bro Skoz, ar bagad zo ul laz-seniñ deus Breizh, savet gant binioù bras, bombardoùha taboulinoù sklaer, klokaet gant binvioù-tos a bep seurt n’int ket hengounel.
Goude an eil brezel bed, war atiz tud evel Polig Montjarret, e voe krouet bodadeg ar Sonerion a vod an holl vagadoù Breizh hag a re zivroet.
Bep bloaz e vez dalc’het kampionad broadel ar bagadoù gant kantadoù a strolladoù, dasparzhet e pemp rummad.

Bagad Sant Brieg

Krouet e 1996, bagad Sant-Brieg a vez hiriv er pempvet rummad.
Prientiñ a ra bep bloaz kenstrivadeg kampionad ar bagadoù hag kemer a ra perzh e abadennoù e Bro Sant-Brieg, e Bro-c’hall pe estren-vro.

O chupenn glas ha melen a zoug bri da livioù kêr Sant-Brieg.